غيثي14

*اتى كالغيث في حياتي❤️✨*
*انقذني من براثين زوج امي ليدخلني في براثينه?✨*

 

*#بقلم_مروه_احمد*

 

بعد خلصنا الشاي انا ورغد طلعنا غرفتها ذاكرنا مسافه......... بعدين قلت لرغد ارح ننادي تغريد..... رغد قالت لي ياااخ حترفض زي كل مره.... قلت ليها يااخ برضو يمكن توافق المره دي... عاينت لي مسافه بعدين قالت لي طيب امشي ناديها انتي..... مشيت نزلت تحت فتشت عليها لقيتها مافيشه... قلبي بقى يضرب وانا بتذكر كلامها مع غاده....... مشيت طلعت فوق وشلت تلفوني وبقيت اضرب ليها بس ما كانت بترد... بتقفل الخط في وشي.. رغد قالت لي مالك؟؟... قلت ليها مافي حاجه استنيني هنا ماشه مشوار وجايه وقبل ما تسألني تاني طلعت من الغرفه ومشيت لبست عبايتي بسرعه ونزلت تحت... لقيت عم محسن قاعد وباين عليهو متضايق... مشيت ليهو وانا بدعي انو يكون هو اللي وصلهم... قلت ليهو السلام عليكم... رد لي السلام... قلت ليهو معليش على الازعاج بس بتعرف غاده وتغريد مشو وين؟؟... عاين لي مسافه وهو ساكت كانو مخبي حاجه.. قلت ليهو عليك الله لو بتعرف حاجه وريني.. قال لي والله يا بتي هم كل مره بيهددوني ويقولو لي ما اقول بس اللي شفتو الليله ما حاقدر اسكت عليهو... خلوني اوصلهم قدام عماره وكان في شباب واقفين مستنينهم هددوني بعدين دخلو معاهم العماره... هنا انا اتأكدت من شكوكي.... قلت ليهو عليك الله وصلني هناك بسرعه... هز راسو وقال لي حاضر يا بتي.... مشينا ووداني هناك بسرعه وقال لي يلا يا بتي انا نازل معاكي.... قلت ليهو لا لا ما لازم.... انا حتصرف.... واصريت عليهو انو يقعد... طلعت فوق وانا ما عارفه هم في اي شقه بالضبط.. لقيت ولد نازل من السلالم.... وقفتو وقلت ليهو معليش بس شفت بتين اليوم الصباح اا... قبل ما اكمل كلامي سمعت صوت تغريد بتصرخ من الشقه اللي جمبي.... ضربت باب الشقه بقوه بس مافي زول فتح...... الولد قال لي ممكن تزحي شويه... الولد دق الباب وقال بصوت عالي وقوي... انا الضابط اللي ساكن فوقكم.. افتحو الباب دا هسي والا ما حيحصل خير يا كلاب...... شويه وفتح الباب ولد وكان باين عليهو ملامح الخوف.... تغريد طلعت بسرعه وكانت بتبكي.... جات حضنتني وبقت تبكي بكل حسها.... الضابط قال للولد اتفضل قدامي انت وكل اللي معاك.... تغريد وهي بتبكي قالت... لا... لا عليك الله..... كدا الناس كلها حتعرف... لا... انا مسامحاهم بس عليك الله الحاجه دي ما تطلع برا (جايه ليه من البدايه طيب).... الضابط قال ليها اسكتي ولا حرف... اللي جابك الشقه شنو اصلا؟؟... ما عارفه انو دي شقه عزابه يعني؟؟... اكيد عارفه..... تغريد قالت ليهو اسفه.... والله اول مره واخر مره.... الضابط سكت مسافه بعدين قال تمام... بعدين عاين للولد وقال ليهو بس انتو برضو حاحاسبكم على اللي كنتو حتعملوهو بطريقتي..... عاين ورا الولد وقال ودي منو. دي كمان؟؟..... انا عاينت لقيتها دي غاده..... قلت ليهو بت عم زوجي.. غاده قالت وهي بتعاين لي من فوق لتحت.. وخطيبتو.. انا قلت ليها غااااده.... ما وقت الكلام دا... ارح نمشي.... وعاينت للضابط وقلت ليهو بالجد ما عارفه اشكرك كيف.... لولاك ما عارفه كان حيحصل شنو.... ابتسم لي وقال لي ولو يااخ.. دا واجبي... قلت ليهو نستأذن احنا لانو في زول مستنينا تحت... نزلنا وركبنا انا وتغريد ورا وغاده قدام..... غاده قالت لتغريد كان فيها شنو يعني لو سكتي؟؟... مش انتي بتحبيهو؟؟.... تغريد قالت ليها يحاول يغتصبني واسكت ليهو عشان بحبو؟؟.... انتي مفتكره انو كدا انا حاحبو زياده؟؟... بالعكس انا كرهتو.... بعدين انتي ليه ما ساعدتيني؟؟.... واقفه تتفرجي وهو بيحاول يغتصبني؟؟... لا وكمان شنو قلتي ليهو بسرعه عليك الله عشان ما نتأخر وطلعتي وقفلتي الباب... ليييييه؟؟... غاده قالت ليها انتي جايه وانتي عارفه انو في شباب في الشقه... كنتي متوقعه شنو؟؟..... انا قلت ليهم بااااس.... كفااايه.... ما عايزه اسمع ولا حرف لحدي ما نوصل..... تغريد قالت لي وجدان عليك الله.. حلفتك ما تكلمي زول... بالذات ابوي... ابوي لو عرف حيقتلني... سكت مسافه وقلت ليها طيب..... بعد مسافه وصلنا البيت... نزلنا وانا مشيت مع تغريد غرفتها بعد ما طلبت مني كدا... قعدنا فوق السرير وحضنتها وخليتها تطلع كل اللي جواها..... بعد مسافه عاينت ليها لقيتها نايمه.... رقدتها وطلعت ليها جزمتها وغطيتها وطلعت.... مشيت ذاكرت مع رغد وكل شويه كنت بقوم امشي اطمن عليها لمن رغد لاحظت وسألتني انا بمشي وين... قلت ليها ولا مكان بس بمشي اتمشى شويه عشان ما ازهج.... هزت لي راسها وانا عارفه انها ما اقتنعت.... لمن خلصنا قرايه مشيت رقدت مع تغريد في غرفتها..... شويه وسمعت صوت الباب بيدق... لبست عبايتي ومشيت فتحت الباب لقيتو دا غيث.. قفلت الباب وراي وقلت ليهو ايوا؟؟.. قال لي شنو هو اللي ايوا؟؟... انتي ناسيه انو دي ما غرفتك.... قلت ليهو عارفه بس اليوم حابيت مع تغريد لانها عيانه شويتين... قال لي بقلق مالها؟؟... دقايق افحصها وكان عايز يدخل الغرفه... وقفتو وقلت ليهو لا لا.... ما تدخل... عاين لي بإستغراب وقال لي ليه ما ادخل؟؟.... قلت ليهو لانو... لانو.... لانو انا وديتها المستشفى الصباح وقالو لي انو إرهاق بس..... ما تخاف.... هز راسو وقال لي اها... لو كدا طيب.... اها كيف مع الدراسه... قلت ليهو والله تعب شدييييد.... ابتسم وقال لي معليش حبيبتي... كلها فتره وتعدي.... انا قلبي عمل شحح لمن قال لي حبيبتي.... قلت ليهو يلا سلام عشان تعبانه... هز راسو بإبتسامه وقرب طبع لي في خدي وقال لي تصبحي على خير.... قلت ليهو وانت من اهل الخير.... وفتحت الباب ودخلت تاني... مشيت رقدت جمب تغريد ونمت تاني يوم بدينا التلاته قرايه سوا... رغد كانت مستغربه بس ما سألت.... قررنا اليوم نقرا كتير لانو باقي شويه شديد.

................................

عند مريم......كانت في مطعم مع صحباتها واصحابها...... بعدين حمزه استأذن عشان كان عندو مكالمه... لمن طول مريم قالت وين سجم الرماد دا.... دقايق امشي اشوفو.... طلعت برا المطعم لقت واحد واقف بعيد ومديها ظهرو وبيتكلم بالتلفون ولابس نفس قميص حمزه عشان كدا كانت قايلاهو هو.... مشت عليهو وقالت ليهو يا سجم الرماد انت مالك طولت على فكره انا اكلت طبقك كلو عق.... قبل ما تكمل كلامها لقتو لف عليها وقال ليها بتكلميني؟؟... مريم كانت عايزه تعتذر بس ركزت في ملامحو وقالت بعصبيه انت؟؟... عاين ليها بإستغراب وقال ليها بتعرفيني؟؟.... مريم قالت ليهو رامز صح؟؟... قال ليها ايوا... مين انتي وبتعرفيني من وين؟؟... ااا صح اتذكرت.... انتي بت شقه الرياض؟؟.. صح اتذكرتك... ل... مريم حطت يدينها على اضانها وقالت ليهو بااااس... ما عايزه اسمع حاجه من الزباله اللي انت بتقولو دا..... انا صحبت وجدان يا استاذ...... رامز يادوب اتذكرها وقال ليها عايزه مني شنو هس... قاطع كلامو صوت حمزه بيقول مريم؟؟ َ... مريم عاينت ليهو وقالت ليهو ايوا يا حمزه.. شويه وجايه بس عايزه اقول كلمتين.... بعدين عاينت لرامز وقالت ليهو زي ما انت شايف للأسف..... لخبطت بسبب القميص... وانت كنت مديني ظهرك..... وبعدين شنو هو اللي عايزه مني شنو هسي.. انت مفتكر انو انا جاريه وراك مثلا؟؟... بعد كل اللي عرفتو عنك حافكر حتى فيك؟؟... لو فكرت حافكر قدر شنو انت انسان زباله اكتر من كدا مافي.... رامز قال ليها بعصبيه.. اسكتي احسن ليكي.... هنا حمزه اتدخل وقرب منهم وقال ليهو والا شنو؟؟.... حتمد يدك عليها مثلا؟؟.... مريم قالت ليهو حمزه روق... خليهو عليك الله دا ما حيفهم انو عيب يمد يدو على بت خليهو بالله.....ومسكت يدو وسحبتو ودخلو المطعم تاني.

................

في مكان تاني اول مره نمشيهو دخل شقتو بتعب..... لقى اختو قاعده بتذاكر.... ابتسم بعدين قرب منها وباس راسها وقال ليها بالتوفيق ان شاء الله.... هي كمان ابتسمت ليهو وقالت ليهو ان شاء الله.... اها.... ما قلت لي الجيران اللي تحت عملو شنو تاني؟.. اتنهد بعدين قال ليها ما تشغلي بالك انتي.. خليكي في قرايتك... بس عليك الله ما تطلعي من البيت الا وانتي معاي... عاينت ليهو بإستغراب وقالت ليهو ليه في شنو يا سامر؟؟... قال ليها مافي حاجه خايف عليكي بس... الباب لو دق ما تفتحي برضو... وزي ما قلت ليكي الشقه دي ما تطلعي منها براكي... لازم انا اكون معاكي... قالت ليهو سامر... في شنو احكي؟؟.. اتنهد بعدين قال ليها يااخي العزابه اللي تحت ديل عندي مشاكل معاهم وخايف ينتقمو مني فيكي عشان عارفين انو انا ما عندي غيرك... قالت ليهو تاني؟؟..... انت ليه بتدخل في مشاكلهم يا سامر انت اللي خليتهم يكرهوك.... قال ليها ما تنسي يا نور انا ضابط.... وما حاسكت لو شفتهم بيعملو غلط... قالت ليهو انت رائد حق مكافحه المخدرات وما ضابط دا اولا... ثانيا شغلك ما ليهو اي علاقه باللي هم بيعملوهو... شفتهم جايبين مخدرات؟؟.. لا صح......قال ليها برضو ما حاقبل اشوف الغلط واسكت... نور اتنهدت وقالت مافي فايده من النقاش معاك اخير لي اشوف قرايتي..... سامر ضربها ضربه خفيفه وقال ليها قومي ذاكري طيب.... وفعلا قامت تذاكر

...............

عندنا احنا... جات الساعه2 الفجر واحنا لسه بنذاكر.... بس برضو استمرينا لمن نمنا من غير ما نحس........... وانا نايمه حسيت بزول بيشيلني... فتحت عيوني لقيت دا غيث..... من النعاس غمضت عيوني تاني وما اهتميت........ صحيت تاني يوم وانا حاسه نفسي عيانه شديييد.... عاينت لغيث لقيتو لسه نايم رجعت حاولت انوم تاني يمكن ابقى كويسه.. وفعلا نمت... بس صحيت تاني بحاجه بارده فوق راسي... فتحت عيوني لقيت غيث بيعمل لي كمادات..... غمضت عيوني تاني وحاولت انوم بس ما قدرت بسبب البروده اللي في الكمادات.... شويه وحسيت بغيث بيشيلني.... فتحت عيوني لقيتو دخلني الحمام وقعدني وفتح فيني المويه... المويه كانت بارده شديد... عاينت لغيث قال لي معليش استحملي.... عشان تبقي كويسه...... شويه وقفل المويه وشالني.... طلعني ورقدني فوق السرير ومشى فتح الدولاب وطلع لي وليهو ملابس عشان هو كمان اتبل.... شلت من يدو ملابسي وقلت ليهو بلبس براي... وقمت دخلت الحمام وانا حاسه بتعب لسه بس كنت بقاوم.... غيرت هدومي وفتحت الباب وطلعت رقدت فوق السرير تاني..... غيث زاتو جا رقد..... قلت ليهو بس شغلك؟؟.... قال لي ششششش.. اخذت اذن... نومي..... سكت وما رديت وفعلا نمت......... بعد مسافه غيث صحاني وقال لي وجدان... قومي اشربي الشوربه دي وخدي علاجاتك... وحتبقي كويسه... قمت قعدت كويس وشربت شويه وقلت ليهو شبعت الحمدلله... غيث هز راسو بعدين شال الصينيه وطلعها... وانا رجعت رقدت تاني..... شويه وحسيت بكم نفر قاعدين جمبي في السرير فتحت عيوني لقيت رغد وتغريد وماما نوال وغيث قاعدين..... ماما نوال حطت يدها فوق راسي مسافه بعدين قالت بقت كويسه الحمدلله............ يلا يا بنات.... امشو ذاكرو وخلوها ترتاح.... وفعلا ماما نوال ورغد وتغريد طلعو من الغرفه......غيث كمان حط يدو على راسي مسافه بعدين قال بهمس الحمدلله.... ومشى رقد..... انا جيت اقوم عشان امشي اذاكر مع رغد وتغريد غيث مسك يدي وقال لي على وين؟؟.... قلت ليهو ماشه اذاكر الامتحانات قربت.... قال لي ما مشكله خدي اليوم اجازه.... اصلا ما حتقدري تذاكري وما حتفهمي شي... ارتاحي اليوم..... هزيت راسي ورقدت..... نمنا لحدي ما صحيت بعد مسافه... عاينت لغيث لقيتو نايم....... قمت مشيت دخلت الحمام استحميت واتوضيت وطلعت صليت اللي فاتني كلو بعدين مشيت عند رغد وتغريد.... في البدايه كانو بيقولو لي امشي ارتاح بس انا اصريت لانو الامتحانات خلاص باقي ليها كم يوم بس.... قعدنا نذاكر كتييير وهم نامو وانا كملت قرايه لاني كنت صاحيه يادوب... شويه ولقيت الباب بيدق... مشيت فتحتو وانا عارفه انو دا غيث... رفع حاجبو وقال لي ليه ما لابسه عبايتك؟؟.... قلت ليهو بنات لحالنا عادي.... قال لي ايوا عارف.. بس ليه تفتحي الباب بدون عبايه؟؟....قلت ليهو عادي يااخ انا عارفه انو دا انت..... قال لي برضو قولي مثلا رامز اللي دق الباب... قلت ليهو طيب طيب... تاني ما حافتح الباب من غير عبايه اتفقنا..... قال لي خشي والبسي عبايتك وتعالي... قلت ليهو بس لسه ما خلصت مذاكره.... قال لي جيبي كتبك وتعالي.... هزيت راسي وقلت ليهو طيب ثواني....مشيت لبست عبايتي وشلت الكتاب اللي كنت بذاكر منو والدفاتر والاقلام وطلعت... جيت ماشه على غرفتنا قال لي استني.... عازمك برا..... عاينت ليهو ورفعت حاجبي وقلت ليهو في الوقت دا؟؟.... قال لي ما تخافي المحل فاتح انا متأكد... اتنهدت بعدين قلت ليهو ارح طيب... مشينا طلعنا برا وركبت معاهو في عربيتو.... ساق وانا كملت قرايه لحدي ما نوصل...... بعد مسافه قال لي وصلنا..... رفعت راسي لقيتو واقف قدام النيل.... وفي كم محل جمبنا وفي عربيات برضو واقفه قريب مننا.... قلت ليهو احنا وين؟.. قال لي احنا يا ستي في اكتر مكان كنت بحب اجي اذاكر فيهو.. دايما لمن كنت بذاكر كنت بجي هنا واذاكر........يلا انتي كمان هسي ذاكري لحدي ما امشي اجيب شاي عشان تصحصحي.... فعلا انا كملت مذاكره وهو نزل مشى جاب لينا اتنين شاي ورجع.... بعدين قعد يشرح لي الحاجات اللي انا ما فهمتها كلها.... ولمن نزهج بننزل شويه ونقعد نتونس..... لحدي ما خلصت الحاجات اللي كان المفروض اذاكرها اليوم كلها.... بعدين قعدنا نتونس شويه.... والمواضيع دخلت في بعض.... غيث قال لي بتعرفي تسوقي؟؟... قلت ليهو لا لا والله... قال لي كيف الكلام دا.. لا لازم تكوني عندك فكره عن السواقه قبل ما تدخلي 18 سنه عشان تاخدي الرخصه بسهوله...... سكت شويه بعدين قال لي طيب.. انزلي واركبي محلي... قلت ليهو لا لا حاعمل حادث... قال لي لا لا ما تخافي انا معاكي... تعالي اركبي محلي... نزلت وركبت محلو وهو ركب محلي..... قلت ليهو اها اعمل شنو؟؟... قعد يشرح لي لحدي ما فهمت شويه.... قال لي نجرب؟؟... قلت ليهو طيب..... نفذت كل اللي قالو لي بعدين بديت اسوق... في البدايه كنت متوتره... بس غيث خفف عني التوتر وبقى يفتح معاي مواضيع وفي نفس الوقت يوصف لي.... فجأه لقيت نفسي قدام البيت.... عاينت لغيث بصدمه وقلت ليهو دا مش البيت؟؟... ضحك وقال لي اي.... قلت ليهو خليتني اسوق لحدي البيت وانا اول مره اسوق؟؟.... قال لي اي.. الطريق ما كان زحمه و انتي ماشاء الله.. اتعلمتي بسرعه... نزلنا وطلعنا فوق تاني.

.............

تاني يوم صحينا بدري وغيث ساقنا كلنا وودانا نفس المكان.... قعدنا التلاته نذاكر سوا وغيث كل ما يتكلم نشاكلو?... لحدي ما زهج ونزل قعد عند ست شاي كانت قاعده جمب العربيه وقعد يشرب شاي....... شويه ولاحظت بت قاعده جمبو وبتتونس معاهو.... طوالي نزلت من العربيه ووقفت قدامو وربعت يديني ورفعت حاجبي.... غيث ابتسم لي وقال لي مالك؟؟...... كنت عايزه اتكلم بس لقيت البت قاطعتني وقالت لي مين انتي؟؟.... عاينت ليها وقلت ليها انا مرتو... اووو معليش قاطعتكم.... اااا

........

الى القاء في الجزء القادم بإذن الله


E. Ahmed

17 Blog posts

Comments