غيثي12

*اتى كالغيث في حياتي❤️✨*
*انقذني من براثين زوج امي ليدخلني في براثينه?✨*

 

*#بقلم_مروه_احمد*

 

انتي عارفه اللي كان معاها مين؟؟... رامز (تخمينكم صح?).... عشان كدا لمن شفت الصوره صدقت طوالي?... لاني متأكد انو رامز ممكن يعملها?.... بس برضو غلطان لاني ما وثقت فيكي ?... اسف....... سكت مسافه وما رديت.... بعدين قلت ليهو طيب ما مشكله.... بس برضو... مشاعري اتجاهك ما حترجع زي الاول.... غيث ابتسم وقال لي حترجع.... مع الوقت حترجع... هزيت ليهو راسي ونزلت من العربيه وهو كمان نزل ودخلنا البيت....... طلعت دخلت غرفتي وشلت ملابسي ودخلت الحمام.. استحميت ولبست شورت وردي.. وتيشيرت ابيض... طلعت من الحمام لقيت غيث راقد في سريرو... جيت عايزه امشي ادخل غرفتي سمعتو بيقول لي ماشه وين؟؟.......... عاينت ليهو بإستغراب وقلت ليهو داخله غرفتي.... لقيتو قام من سريرو ووقف قدامي وقال لي اظن دي غرفتك....... عاينت ليهو بإستغراب اكتر وقلت ليهو لا... ديك هي... واشرت على غرفتي... عاين ليها بعدين عاين لي تاني وقال لي دا زمان.. هسي دي غرفتك... رفعت حاجبي وقلت ليهو حتقعدني هنا بالقوه يعني؟؟.... ابتسم بطرف فمو وقال لي لا... بمزاجك..... قلت ليهو كيف بمزاجي؟؟.... قال بنفس ابتسامتو... اظن انتي قلتي قبل كدا حتعملي اي حاجه انا اطلبها صح؟؟..... قلبي عمل شحح وانا بتذكر اللي حصل

 

*العوده للماضي..*

 

قعدت اضحك عليهو لمن دمعت... بس سكت لمن لقيتو سحبني ورقدني تحتو وثبتني... قلت ليهو بصوت واطي في زول بيدق الباب... قال لي خليهو.... قلت ليهو بس عيب ما نفتح... قال لي بإبتسامه وترتني.. عريس وعروسه حيفهم ويمشي... وغمز لي الحيوان????... قلت ليهو يا غيث ياخ افتح ليهو... او خليني انا امشي افتح.. قال لي جربي قومي... حاولت ازحو بس هو كان مثبتني كويس????.... قلت ليهو خلاص طيب حاتفق معاك اتفاق... لو قمت وفتحت الباب حاعمل ليك اللي انت عايزو.. اتفقنا؟.

 

*عوده*??

 

قلت ليهو بهمس صح.... بس انت برضو ما حتقدر تجبرني انفذ الاتفاق دا.... غيث ابتسامتو وسعت وقال لي يعني ما حتنفذي الاتفاق؟؟.. تمام ما مشكله.... كدا لازم اخذ تعويض... قعد يقرب وهو بيعمل نفسو بيفكر ويقول اخد شنو تعويض؟؟.... طوالي لزيتو ومشيت قعدت فوق السرير وربعت يديني?.... غيث عاين لي بإبتسامه بعدين مشى شال ملابسو ودخل الحمام.... انا مشيت شلت تلفوني وشنطه المدرسه ورجعت... بقيت اذاكر لمن تعبت.... مشيت دخلت غرفتي تاني وشلت لي توب ولبستو وطلعت...... مشيت نزلت تحت لقيت مافي زول في البيت غيري انا وغيث....... مشيت دخلت المطبخ وعملت اكل وطلعت مشيت قعدت اتفرج في الافلام.... شويه ولقيت غيث نازل من السلالم.... وكان بيتكلم في التلفون..... بعدين جاني وقال لي وجدان... ودي حاجاتك عندي في الغرفه لانو بعد شويه جاين ناس يشيلو الاثاث..... اتنهدت وقلت ليهو وانا ضاغطه على اسناني طيب.... وقمت دخلت الحاجات في المطبخ بعدين طلعت فوق ولميت حاجاتي كلها وغيث كمان جا ساعدني.... بعدين طلعناهم لغرفتو.... نزلنا تحت وقعدنا شويه بعدين جو نفس الناس اللي جابو الاثاث المره الفاتت... شالوهو ونزلوهو ودوهو في المخزن.... ومشو..... طلعت الغرفه فوق ولقيت غيث جهز لي مكان معاهو في الدولاب.... حطيت ملابسي فيها بعدين مشيت رقدت فوق السرير بتعب.... بعدين قعدت كويس وقعدت اكمل قرايتي..... وغيث كمان جا ذاكر لي..... لمن تعبنا قلت ليهو تشرب شاي؟؟... هز لي راسو وقال لي ارح.... نزلنا تحت ودخلنا المطبخ وانا بقيت اعمل الزلابيه وهو بيعمل الشاي...واحنا بنعمل لقينا ناس رغد رجعو..... عملنا حسابهم وشلنا الشاي والزلابيه وطلعناهم برا وقعدنا كلنا سوا وبقينا نتونس ونشرب الشاي...... ما حسينا بالزمن لمن الشمس غابت.... بعدين كل زول مشى غرفتو.... دخلت الغرفه وبديت اجهز لحاجات المدرسه بكره..... وغيث رقد فوق السرير.... حاولت اطول على قدر ما اقدر عشان ينوم واشيل مخدتي وادخل غرفتي وان شاء الله انوم في الارض مافي مشكله... بس الحيوان ما نام لمن انا خلصت.... اتنهدت بإستسلام بعدين مشيت رقدت فوق السرير ورقدت في الطرف ونمت.

..................

تاني يوم صحيت بدري ودخلت الحمام استحميت واتوضيت ولبست ملابس المدرسه وطلعت... لقيت غيث لسه ما قام حمدت ربي ومشيت صليت الفجر بعدين مشيت وقفت قدام المرايه وبديت اسرح شعري..... بعدين شلت الساعه وبديت البس فيها.... بس وقفت بدون ما اتحرك وفتحت عيوني بصدمه لمن لقيت زول بيحضني من ورا.... رفعت راسي عاينت بالمرايه لقيتو دا غيث.... مسك الساعه من يدي ولبسني ليها وطبعها لي في خدي وخلاني ودخل الحمام... وانا لسه واقفه في محلي مصدومه.... بعد دخل يادوب اتحركت.... لبست طرحتي وشلت شنطتي ونزلت تحت..... حطيت الشنطه فوق الطاوله وعملت شاي..... كبيت لنفسي وشلت كبايتي وطلعت فوق تاني دخلت الغرفه لقيتو واقف قدام المرايه وبيعدل في شعرو... مشيت شلت تلفوني وطلعت تاني ونزلت تحت... بقيت العب بالتلفون لمن زهجت... شويه ولقيت غيث نزل وقعد معاي وبقى يشرب الشاي... انا قمت وقلت ليهو حاطلع تلفوني الغرفه واجي... هز لي راسو وقال لي تمام... طلعت فوق ورجعت التلفون وركبتو في الشاحن... لفت نظري صوره محطوطه فوق الطاوله اللي جنب السرير بناحيه ما بيرقد غيث... رفعت حاجبي بإستغراب ومشيت عليها وشلت الصوره وعاينت ليها... ضحكت بقوه لمن دمعت....الصوره كانت غيث وهو صغير بالحفاضه.. ما كنت متأكده انو غيث بس برضو ضحكت?...... مشيت شلت تلفوني وصورتها ورجعت تلفوني تاني.. نزلت تحت وخبيتها وراي....مشيت وقفت قدام غيث وانا ما قادره اخبي ابتسامتي... غيث عاين لي بإستغراب وقال لي مالك؟؟....... طلعت الصوره من وراي ووريتها ليهو وقلت ليهو دا منو دا?... انت صح?... غيث قال لي وجدان... هاتي الصوره دي.... قلت ليهو معناها انت?.... ابيييييت??.... قال لي وجدان... ما بمزح معاكي انا.. هاتيها?..... قلت ليهو ابييييت ?.... لمن لقيتو وقف جريت ?... وهو زاتو جرا وراي?... مشيت طلعت فوق الطاوله ورفعت الصوره فوق وقلت ليهو شيلها لو تقدر??.. وقف قدامي ورفع حاجبو وابتسم وقال لي انتي شايفه انو ما حاقدر اوصل ليها؟؟.. تمام..... جيت عايزه اتكلم لقيتو شالني ونزلني في الارض... وقبل ما يشيل الصوره انا جريت منو تاني?... بس لقيت الطريق قدامي مسدود.. جيت عايزه ارجع لقيت غيث واقف وراي..... مسكني من يدي ولفاها لي ورا ظهري... وشال الصوره.. وقال لي انتي قايله بعد اللي عملتيهو دا حاخليكي بالساهل؟؟.... تؤ تؤ... لازم تتحاسبي..... جيت عايزه اتكلم بس لقيتو سكتني?..... حاولت ابعدو بس كان ماسكني كويس.......... شويه وسمعت صوت ماما نوال ب ورا غيث بتقول غيث؟؟.... بعد عني بسرعه وعاين ليها.... لقينا البيت كلو واقف بيعاينو لينا??... ورغد واقفه وفاتحه فمها بصدمه ومغمضه عيون امير بيدها..... انا وشي قلب احمر واستخبيت ورا غيث.....ماما نوال قالت لينا وهي بتضحك... هنا لكن؟؟ ??.. غيث قال ليها وهو بيضحك...معليش عرسان?.. وااي خربها زياده الحيوان دا???.... ماما نوال قالت يلا الشاي طيب?...... غيث قال ليها شربنا والله..... حنستناكم في العربيه..... ماما نوال قالت ليهو لا اقعدو اتونسو معانا.. خلو الحاجات دي لبعدين?....... وفعلا قعدنا كلنا وبقينا نتونس ونشرب شاي....... لمن خلصنا طلعنا ومشينا ركبنا مع غيث وهو وصلنا المدرسه..... نزلنا ودخلنا جوا..... اول لمن دخلت انصدمت لمن لقيت سميحه واقفه مع حسان بعيييد وبتتكلم معاهو..... مشيت بسرعه قبل ما تشوفني واستخبيت ورا العامود... رغد عاينت لي بإستغراب وقالت لي مالك؟؟... أشرت ليها بيدي كدا ?...... عاينت لي بإستغراب بعدين أشرت لي براسها بعدين جات استخبت معاي..... شويه بعدين مشينا دخلنا الفصل... رغد قالت لي مالك؟؟... في شنو؟؟... قلت ليها شفت سميحه واقفه مع حسان.... رغد قالت لي سميحه الواحده دي؟؟.... هزيت ليها راسي وقلت ليها اي.... شويه وجاتنا بت وقالت لي يا وجدان استاذ حسان قال عايزك في مكتبو..... اتنهدت وقمت عشان امشي لقيت رغد وقفت معاي.... قلت ليها استنيني ما ضروري تجي... قالت لي والله ما اخليكي مع الحيوانات ديل براكي.. رجلي على رجلك ?.... ابتسمت ليها بعدين مشينا مكتبو ودقينا الباب ودخلنا..... استاذ حسان قال لينا اتفضلي يا وجدان.. وانتي يا رغد اتفضلي على فصلك.... رغد قالت ليهو لا ما حاخليكم لحالكم.... حسان حدر ليها وقال ليها اظن انتي شايفه امي قاعده معانا... يعني ما لحالنا..اتفضلي على فصلك يا طالبه...... رغد قالت ليهو واظن انت عارف كويس اني ما حاقبل حتى لو امك معاكم بعد اللي عرفتو..... حسان كان عايز يتكلم سميحه قاطعتو وقالت ليهو خليها يا ولدي.... دخلها..... حسان قال ليها وهو ضاغط على اسنانو اتفضلي...... دخلنا وقعدنا.... سميحه قالت لي وجدان يا بتي... البركه فيكم.... حسان قال لي زينب ماتت?.... قلت ليها البركه في الجميع.... سكتت شويه بعدين قالت لي يابتي ما ناويه تسامحينا؟؟.... قلت ليها اظن انو اللي انتو عملتوهو مافي مخلوق ممكن يسامحكم لو عملتوهو فيهو..... سميحه اتنهدت بعدين عاينت لحسان وقالت ليهو استنونا برا يا عيالي...... رغد قالت ليها مستحيييل اخليكم براكم... عايزه تقولي حاجه قوليها قدامنا..... انا قلت لرغد.. معليش يا رغد استنيني برا... اشوف عايزه شنو واجيكي... رغد قالت لي طيب... بعدين حدرت لحسان وقالت لي عشان خاطرك انتي يا وجدان وبس..... بعدين قامت طلعت برا...... وحسان كمان طلع برا ووقفو الاتنين بيحدرو لبعض.... حسان قال ليها بتعايني لي كدا مالك؟؟..... رغد قالت ليهو اظن دا ما من مجال اختصاصك..... حسان قال ليها بعصبيه... رغغغغد... لاحظي اني استاذك.. وواجب عليكي تحترميني.... رغد قالت ليهو لمن تبقى محترم نفسك الاول انا حاحترمك.... واظن حتى لو انت استاذي ما يحق ليك انك تصرخ فيني.... حسان قال ليها رغغغغد..... ااا.... رغد قاطعتو وقالت ليهو بالله ما ناقصاك.... انت في حالك وانا في حالي لمن يخلصو ونخلص.... حسان قال ليها يعني انا اللي فاضي ليك؟؟... رغد قالت ليهو بس....يلا لا تتكلم معاي لا اتكلم معاك...... اتفقنا؟... حسان قال ليها وهو بيحدر ليها تمام.

.............

عندنا جوا.

 

سميحه قالت لي يا وجدان يا بتي... انا ما بقول ليكي انا ما غلطانه... لا انا غلطانه وندمانه على اللي عملتو يا بتي...بس حسان ما ليهو ذنب... انا اللي اجبرتو والله.. وعرفت ناديه كعبه متأخر شديد..... ياريت يا بتي لو خليتك انتي تتزوجي ولدي... ما كان حصل لي دا كلو.... انتي هديه ورضيه.. ناديه امانه ما ورتني الويل (تستاهلي?) .... قلت ليها دا كلو ما يبرر ليكي اللي انتي عملتي فيني... سميحه قالت لي عارفه يابتي... اصلا مافي حاجه تبرر لي اللي انا عملتو....بس يابتي... عليك الله سامحي حسان وارجعي ليهو.... هو ما ليهو ذنب... واوعدك انو حيطلق ناديه... قلت ليها دقيقه دقيقه.... حسان ما قال ليكي انو انا حاليا متزوجه؟؟...... واصلا حتى لو ما كنت متزوجه ما حارضى اني اخرب بيت ناديه.... مهما كان اللي عملتو فيني ما حارضى انو يحصل فيها اللي انتي بتقوليهو دا.... مهما كان كانت يوم من الايام صحبتي... وحتى لو ما كانت صحبتي ما كنت حارضى يحصل فيها كدا... سميحه قالت لي كيف الكلام دا؟؟... حسان ما قال لي... قلت ليها اظن كدا وفرت كلامك كلو..استأذن انا وخليتها وطلعت... لقيت حسان ورغد واقفين بيحدرو لبعض..مشيت مسكتها من يدها ومشينا.

..........

اللى اللقاء في الجزء القادم بإذن الله


E. Ahmed

17 Blog posts

Comments